ԱՄՆ պետքարտուղար Մայք Պոմպեոն մեկնաբանել է Ռուսաստանում կառավարության փոփոխությունը և հայտարարել, որ իր կարծիքով Վաշինգտոնը պետք է գնահատի, թե ինչպես կզարգանան հետագա իրադարձությունները: Այս մասին տեղեկացնում է РИА Новости գործակալությունը:
«Մեր գործողությունները Ռուսաստանի նկատմամբ դժվար թե փոխվեն ռուսական կառավարությունում որոշակի փոփոխություններ հետևանքով»,-ասել է Պոմպեոն՝ ռադիոհաղորդավար Տոնի Կացին տված հարցազրույցի ժամանակ:
Մոսկվայում ԱՄՆ-Ռուսաստան երկկողմանի հարաբերությունների ուղղությամբ կաշխատի արդեն Ռուսաստանում ԱՄՆ-ի նոր դեսպան Ջոն Սալլիվանը: Նա արդեն ժամանել է Մոսկվա`փոխարինելու Ջոն Հանթսմանին:
Ռուսաստանի ԱԳՆ-ն Սալլիվանին բնութագրել է որպես «բարձր պրոֆեսիոնալիզմով օժտված փորձառու դիվանագետ»:
Հիշեցնենք, որ հունվարի 15-ին ՌԴ նախագահ Վլադիմիր Պուտինի` Դաշնային խորհրդի անդամներին ուղղված ելույթից հետո ՌԴ վարչապետ Դմիտրի Մեդվեդևը հայտարարել է, որ կառավարությունն ամբողջ կազմով հրաժարական է ներկայացնում:
Վարչապետի պաշտոնում Դմիտրի Մեդվեդևին փոխարինել է մինչ այս Դաշնային հարկային ծառայության ղեկավարի պաշտոնը զբաղեցնող Միխայիլ Միշուստինը:
00:00:00
