Իրաքում Լեհաստանի դեսպան Բեատա Պեքսան տարհանվել է Իրաքից, հայտնում է «ՌԻԱ Նովոստի» գործակալությունը` հղում տալով Լեհաստանի փոխարտգործնախարար Մարչին Պշիդաչին:
«Ես կարող եմ հաստատել, որ դեսպանը վերադարձել է Իրաքից և այսօր գտնվում է Վարշավայում», - նշել է փոխնախարարը:
«Բրիտանացիների հետ միասին, որոնց հետ կիսում ենք դեսպանատան շենքը, մենք որոշեցինք, որ անվտանգության նկատառումներով ճիշտ կլինի, որ դեսպանը վերադառնա»,- հավելել է նա:
Պատճառն Իրան-ԱՄՆ հարաբերությունների սրումն է. լույս չորեքշաբթի Իրանի իսլամական հեղափոխության պահապանների կորպուսը հայտարարել է ԱՄՆ-ի կողմից Իրաքում գեներալ Ղասեմ Սոլեյմանիի սպանության համար պատասխան գործողությունների սկսման մասին: Այնուհետև Իրանից հրթիռներ են արձակվել Իրաքի արևմուտքում գտնվող «Այն ալ-Ասադ» և Էրբիլի ռազմաբազայի ուղղությամբ, որտեղ գտնվում է ամերիկյան զորակազմը:
Ավելի ուշ իրանական Press TV հեռուստաալիքը հայտնել էր, որ Իրաքում ԱՄՆ ռազմաբազաների հրթիռակոծման հետևանքով 80 մարդ է զոհվել:
00:00:00
