Պորտնովի խոսքով՝ Բարձրագույն հակակոռուպցիոն դատարանն արձագանքել է իր դիմումին և հարկադրել Ազգային հակակոռուպցիոն բյուրոյին Պորոշենկոյի դեմ հերթական քննությունը սկսել: Փաստաբանը հայտարարել է, որ 2014 թվականի հուլիս ամսին Պորոշենկոյի մերձավորները բանակին պատկանող 34 միլիոն գրիվնան փոխանցել են Linway Management LLP արտասահմանյան ընկերությանը: Կոռուպցիոն սխեմայում ենթադրաբար ներքաշված է նաև «Ուկրէքսիմբանկ»-ը, որը պատկանում է Պորոշենկոյի կնոջ ազգականին: «Դուք սեփական գրպանը նախընտրեցիք պետական շահից, և մենք քայլ առ քայլ ձեր դիմակը կպատռենք»,- հավելել է Պորտնովը: