Չինաստանի հարավ-արևմտյան Յուննան նահանգում տղամարդը մանկապարտեզ է ներխուժել և նատրիումի հիդրօքսիդ ցփնել երեխաների վրա, ինչի հետևանքով առնվազն 51 երեխա և երեք դաստիարակ է տուժել, գրում է ՏԱՍՍ լրատվական գործակալությունը:
Գործակալության փոխանցմամբ` դեպքը տեղի է ունեցել երկուշաբթի Կայուան քաղաքում: Վիրավորներից երկուսը ստացել են լուրջ վնասվածքներ, սակայն նրանց կյանքին վտանգ չի սպառնում:
Դեպքից մեկ ժամ անց ոստիկանությունը ձերբակալել է մեղավորին՝ 23-ամյա Կուն ազգանունով երիտասարդին: Ոստիկանության համաձայն` չարագործը հարձակում է գործել` «հասարակության հանդեպ վրեժխնդրությունից դրդված»:
