Ուկրաինայի Լվով քաղաքի կենտրոնում անհայտ անձինք կոտրել են փողոցային երաժշտի կիթառը, որը ռուսական երգեր է երգել, գրում է strana.ua-ն:
Լրագրողների տվյալներով՝ միջադեպի մեղավորները «Սոկոլ» աջ ծայրահեղական կազմակերպության անդամներն են, չնայած վերջիններիս պնդումներին, որ դա որոշ անհայտ հայրենասերներ ձեռքի գործն է:
«Նոյեմբերի 3-ին տեղի է ունեցել ռուսալեզու երաժիշտների դեմ հերթական արշավը: Ուրախալի է այն հանգամանքը, որ նման մի քանի արշավներից հետո մեր քաղաքում այլևս չեն լսվում օկուպանտների լեզվով երգեր»,- ասել են կազմակերպության ներկայացուցիչները:
