«Այսօր ՀՀ զինված ուժերը ձեռք են բերում մեծամասամբ նոր զինատեսակներ: Ե՛վ 2019 թվականին և՛ 2020-ին պայմանագրային և վարկային ծրագրերի միջոցներով ձեռք են բերվում միայն նոր և արդիական կարողություններ տարբեր երկրներից»,-լրագրողների հետ ճեպաազրույցի ժամանակ հայտարարեց ՀՀ պաշտպանության նախարար Դավիթ Տոնոյանը։ Անդրադառնալով հարցին, թե ՀՀ-ում տեղակայված ռուսական 102-րդ ռազմակայանում արդիականացման ինչ աշխատանքներ են կատարվում, Տոնոյանը արձագանքեց․ «Ռուսական 102-րդ ռազմաբազան արդիականացվում է ւ է և՛ սպառազինության, և՛ նյութատեխնիկական ապահովման, և՛ զինծառայողների կենցաղային պայմանների բարելավման առումներով»,-նշեց նախարարը։ Խոսելով ապրիլյան դեպքերը քննող հանձնաժողովի աշխատանքներից և սպասվող հնարավոր բացահայտումներից, Դավիթ Տոնոյանն ասաց՝ բոլոր ասեկոսեները, բանսարկությունները, որ գոյություն ունեն հասարակության մեջ՝ ապրիլյան գործողությունների հետ կապված, կփարատվեն ։ Հարցին, թե արդյոք հանձնաժողովը կբացահայտի, որ նախորդ իշխանությունների կողմից եղել են խնդիրներ՝ նրանց պատասխանատվության և մեղավորության հետ կապված, պաշտպանության նախարարը նշեց. «Ես չեմ կարող ասել, թե հանձնաժողովը ինչ կվերանայի, բայց այն, ինչ կկատարվի, արդյունքը ես ակնկալում եմ դրական, որը ավարտ կտա այդ բոլոր խոսակցություններին»։