Շվեյցարիայի քաղաքացիներն ընտրում են երկրի ազգային խորհրդարանի նոր կազմը: Վերջին հարցումները ցույց են տալիս, որ հաջողության կարող է հասնել երկրի «Կանաչների կուսակցությունը»: Ինչպես հայտնում է Корреспондент-ը, քվեարկությունն ավարտվում է կիրակի կեսօրին (երևանյան ժամանակով 14:00-ին): Ընտրողների մեծամասնությունն իրենց ձայնը տալիս են փոստի միջոցով: Խորհրդարանի ստորին պալատի՝ Ազգային խորհրդի 200 անդամների և վերին պալատի՝ Կանտոնների խորհրդի 46 անդամի ընտրությունները կարող են դառնալ հերթական նշանն առ այն, որ կլիմայական փոփոխությունների շուրջ մտավախություններն ազդում են եվրոպական ընտրական տրամադրությունների վրա: Ներկա պահին երկրում իշխում է կուսակցությունների կոալիցիան, որում ընդգրկված են ձախականներն ու աջ պոպուլիստական Շվեյցարիայի ժողովրդական կուսակցությունը: Կանաչների կուսակցությունը կոալիցիայի մաս չի կազմում: