Այսօր ԱԺ նիստի ընթացքում ՀՀ պետական գույքի կառավարման կոմիտեի նախագահ Նարեկ Բաբայանը հայտարարեց՝ մինչև նոր տարի նախատեսվում է «Գոլդեն Փելիս»հյուրանոցը հավատարմագրային կառավարման տալ կամ վաճառել։Նարեկ Բաբայանն ընդգծեց՝ հյուրանոցի հանձնման և ընդունման աշխատանքնեը դեռ ավարտված չեն:
«Ընդունելուց հետո լավագույն առաջարկով այն պետք է տրվի կամ հավատարմագրային կառավարման, որպեսզի համապատասխան օպերատորը աշխատացնի որպես հյուրանոց կամ սակարկությունների ձևով հանվելու է մրցույթի կամ աճուրդի: Մենք չենք պահելու հենց այնպես և շատ կարճ ժամկետում մտադրություն ունենք հանձնել հավատարմագրային կառավարման կամ վաճառել», - ասաց նա:
Հիշեցնենք, նախորդ շաբաթ Կառավարությունը որոշեց ՊԵԿ նախկին ղեկավար Արմեն Ավետիսյանի նվիրատվությունը՝ Ծաղկաձորի «Գոլդեն Փելիս» հյուրանոցը որպես նվիրատվություն փոխանցել Հայաստանի Հանրապետությանը, այն կշահագործվի պետության կարիքների համար:
00:00:00
