ԱՄՆ նախագահ Դոնալդ Թրամփը, 2017 թվականին Օվալաձև աշխատասենյակում ՌԴ արտաքին գործերի նախարար Սերգեյ Լավրովի և ԱՄՆ-ում Ռուսաստանի դեսպան Սերգեյ Կիսլյակի հետ հանդիպմանը, հայտարարել է, որ չի անհանգստանում ԱՄՆ-ի ընտրություններին Մոսկվայի միջամտության համար, քանի որ Վաշինգտոնը նույնն անում է նաև այլ երկրներում, գրում է Washington Post-ը՝ վկայակոչելով իր երեք աղբյուրներին: Reuters-ը հարցմամբ դիմել է Սպիտակ տուն՝ պահանջելով մեկնաբանություններ, սակայն Սպիտակ տունը չի արձագանքել: Հանդիպումը տեղի է ունեցել 2017 թվականի մայիսի 10-ին: