Կառավարությունն ավելի քան 20 տոկոսով բարձրացնում է անտառապետերի և անտառապահների աշխատավարձերը: Կառավարությունն ընդունված  համապատասխան որոշմամբ այդ նպատակով կհատկացնի 43 միլիոն 992 հազար դրամ՝  Շրջակա միջավայրի նախարարության անտառային կոմիտեի «Հայանտառ» ՊՈԱԿ-ի 19 անտառտնտեսության 99 անտառապետի և ավագ անտառապետի ու 512 անտառապահի անվանական աշխատավարձերի բարձրացման նպատակով: Գումարը կհատկացվի կառավարության պահուստային ֆոնդից: Աշխատավարձերը հոկտեմբերի 1-ից կբարձրանան ավելի քան 20 տոկոսով՝ 20 հազարական դրամով: