Վանաձորում վարչապետի ասուլիսի  ընթացքում Լոռու մարզային  լրատվամիջոցներից մեկի ներկայացուցիչը նշեց, որ Վանաձորում խոշոր խորհրդային ձեռնարկությունները չեն աշխատում, դրանց տանիքներին էլ արդեն սկսել են ծառեր աճել։ Լրագրողը հարցրեց, թե վերականգնման ինչ հնարավորություններ կան։ «Ուզում եմ հիշեցնել, որ ժամանակին մենք ասում էինք, որ ա՛յ, գործարանները աշխատում են, և մեր ծառերը լավ չեն աճում, և բողոքում էինք դրանից։ Հիմա էլ բողոքում ենք, որ ծառերը աճում են, գործարանները … Հիմա էլ ասում ենք, որ հանքարդյունաբերությունը պետք է փակել … Մենք մեր ձեռով մեր երկրի տնտեսության կեսը փակել ենք և հիմա խնդիր ունենք վերականգնելու»,- պատասխանեց Նիկոլ Փաշինյանը; Վարչապետն ասաց, որ իրենց խնդիրն է ստեղծել իրավական և օրենսդրական այնպիսի դաշտ, որ ներդրումներ լինեն։