Թուրքիայի անվտանգության շահերը, որի պահպանման համար Անկարան Սիրիայում կստեղծի իր վերահսկողության տակ գտնվող գոտի, Մոսկվայի կողմից բացարձակապես օրինական է ճանաչվել: Այս մասին հայտարարել է Ռուսաստանի արտաքին գործերի նախարարության ղեկավար Սերգեյ Լավրովը «Ռոսիա 1» հեռուստաալիքով հեռարձակվող «Մոսկվա. Կրեմլ. Պուտին» ծրագրի եթերում: Նրա պատասխանները հրապարակվել են գերատեսչության կայքում:
Նախարարն ընդգծել է, որ խոսքը երկրի հյուսիս-արևելքի մասին է:
Սիրիայի իրավիճակի կայունացումը Ռուսաստանի և Թուրքիայի հարաբերությունների առանցքային թեմաներից մեկն է: Այս հարցը քննարկվել է երկու երկրների նախագահներ Վլադիմիր Պուտինի և Ռեջեփ Թայիփ Էրդողանի կողմից վերջինիս՝ օգոստոսի 27-ին Ռուսաստան կատարած այցի ընթացքում: Դրանից ավելի վաղ Էրդողանն իր ռուս գործընկերոջը հայտարարել է, որ Սիրիայի բանակի և զինյալների միջև Իդլիբում տեղի ունեցած բախումները սպառնում են Թուրքիայի ազգային անվտանգությանը և վնաս հասցնում Մերձավոր Արևելքում հակամարտության խաղաղ կարգավորմանը:
