«Հրապարակ» օրաթերթը գրում է. «Երեկ Արցախի նախագահ Բակո Սահակյանի ծննդյան 60-ամյակն էր։ Այդ առթիվ նրան շնորհավորեցին նախագահ Արմեն Սարգսյանը, ՍԴ նախագահ Հրայր Թովմասյանը, Արցախի նախկին վարչապետ Արայիկ Հարությունյանը, Արցախի նախկին և գործող ԱԽ քարտուղարներ Վիտալի Բալասանյանն ու Արշավիր Ղարամյանը, Հայաստանի 2-րդ և 3-րդ նախագահներ Ռոբերտ Քոչարյանն ու Սերժ Սարգսյանը, շատ այլ գործիչներ: Նիկոլ Փաշինյանի շնորհավորանքն ընդամենը հաղորդագրություն էր, որ ՀՀ վարչապետը հեռախոսով շնորհավորել է Բակո Սահակյանին՝ մաղթել առողջություն և հաջողություններ։ Ըստ ոչ պաշտոնական տեղեկությունների՝ նա չի պատրաստվում նաև սեպտեմբերի 2-ին մասնակցել Արցախի անկախության տոնակատարություններին, ինչը վկայում է այն մասին, որ սառույցը ՀՀ և Արցախի իշխանությունների միջև չի հալվում»։ Առավել մանրամասն՝ թերթի այսօրվա համարում: