ՌԴ նախագահ Վլադիմիր Պուտինը հայտարարել է, որ այդքան երեխաների մահվան մասին մտքից ցանկանում է ոչ թե լաց լինել, այլ հեկեկալ։ «Առաջին զգացողությունս, որ լսում եմ այդքան երեխայի մահվան մասին, այն է, որ ոչ թե լացել, այլ հեկեկալ եմ ուզում»,- ասել է Պուտինը։ Նա հրահանգել է համապատասխան մարմիններին մանրակրկիտ ուսումնասիրել յուրաքանչյուր պատասխանատուի վարքագիծը՝ հրդեհի բոլոր մեղավորներին պարզելու եւ պատժելու համար։ Նա կրկին իր խորին ցավակցություններն է հայտնել զոհերի հարազատներին։ Հիշեցնենք, որ Կեմերովոյի «Զիմնայա վիշնյա» առեւտրի կենտրոնում բռնկված հրդեհի արդյունքում 64 հոգի է մահացել, մեծ մասը՝ երեխաներ։ https://www.youtube.com/watch?v=v2E9r59WDIw