Կեմերովոյի «Զիմնյայա վիշնյա» առեւտրի կենտրոնում բռնկված հրդեհի արդյունքում տուժածների թիվը հասել է 76-ի։
Նշվում է, որ նրանցից 27-ը երեխաներ են: Քաղաքի բժշկական հաստատություններում շարունակում է մնալ 14 մարդ, եւս 62-ին ցուցաբերվել է ամբուլատոր բժշկական օգնություն:
ՌԴ ԱԻՆ Կեմերովոյի մարզի գլխավոր վարչության պետ Ալեքսանդր Մամոնտովն իր հերթին նշել է, որ ներկայումս ճանաչվել է զոհվածների 27 մարմին, 4 ճանաչված մարմին ՌԴ ՔԿ-ն ուղարկել է լրացուցիչ հետազոտման:
