Ֆլորենտինո Պերեսը խոշոր վարկ է վերցրել, որպեսզի ապահովի բրազիլացի ֆուտբոլիստ Նեյմարի տեղափոխությունը «Ռեալ», որն այժմ հանդես է գալիս ֆրանսիական «Պարի Սեն Ժերմենի» կազմում: Այս մասին հայտնում է Sport.es-ը: Պերեսը նման քայլի է գնացել, քանի որ իր խաղացողներին այլ թիմերին վաճառելուց ստացված հասույթը չափազանց ցածր է եղել, և պարզապես ներկայումս աշխարհի լավագույն ֆուտբոլիստներից մեկից հրաժարվել չի կարելի: Նշված չէ այն ֆինանսական հաստատության անունը, որը հատկացրել է միջոցները, և ոչ էլ գումարի չափը, բայց հայտնի է, որ միջոցները պետք է փոխանցվեն «Ռեալի» հաշվին առաջիկա օրերին: Եվ հաջորդ շաբաթ նախատեսվում է վերսկսել բանակցությունները հարձակվողի հետ: