Կուզբասի փոխնահանգապետ Սերգեյ Ցիվիլեւը քաղաքացիներից ծնկաչոք ներողություն է խնդրել «Զիմյայա վիշնյա» առեւտրի կետրոնի ողբերգության համար։
Ria.ru-ի փոխանցմամբ՝ Կեմերովոյում մարդիկ դուրս են եկել փողոց ու հանրահավաք են անում՝ պահանջելով իշխանությունների հրաժարականը։
Հանրահավաքի մեկնարկից 7 ժամ հետո վարչակազմի ներկայացուցիչներն առաջարկել են հեռանալ, սակայն հանրահավաքի մասնակիցները դժգոհության աղմուկով են պատասխանել: Դրանից հետո քաղաքապետարանի տրամադրած բարձրախոսներն անջատվել են:
Ցիվիլեւը փորձել է միկրաֆոնով խոսել, բայց նկատելով, որ այն չի աշխատում, ուղղակիորեն դիմել է հավաքվածներին:
«Ես կցանկանայի ձեզանից ներողություն խնդրել»,- եւ բոլորի համար անսպասելի ծնկի է իջել: 10 վայրկյան հետո նա ոտքի է կանգնել եւ պարզաբանել. «Հնուց ի վեր Ռուսիայում մարդիկ ծնկի էին իջնում ներողություն խնդրելու համար»: Մարդիկ սկսել են ծափահարել: Հիմա Խորհուրդների հրապարակում են դեռեւս մի քանի 100 մարդ կա: Հիշեցնենք, որ Կեմերովոյի առեւտրի կենտրոնում բռնկված հրդեհի հետեւանքով 64 մարդ մահացել է, կան բազմաթիվ վիրավորներ։ https://www.youtube.com/watch?v=aWIXICyRZiI
