Այսօր Կառավարությունում ՊԵԿ նախագահ Դավիթ Անանյանը լրագրողների հետ զրույցում խոսելով երեկ՝ Բագրատաշենի մաքսատուն կատարած այցի մասին՝ ասաց՝ մաքսային գործառույթների առումով Բագրատաշենում իրավիճակը գնահատում է բավարար:
«Դիտարկվել է մաքսատան ամբողջ աշխատանքը, հստակեցվել է, թե ինչ խնդիրներ կան», - ասաց Դավիթ Աննանյանը՝ վստահեցնելով՝ գործառութային առումով խոշոր թերություններ չկան։
«Իհարկե, կան կադրեր եւ որոշակի տեխնիկական հնարավորություններ ավելացնելու խնդիրներ, որը մեր կողմից արդեն գործարկվել էր: Մրցույթը արդեն հայտարարվել է, շենքային պայմաններ պիտի ավելացնենք եւ 4-5 աշխատող ներգրավվենք։ Այդ այցը նախաձեռնել էր փոխվարչապետ Մհեր Գրիգորյանը եւ այն կրել է ճանաչողական նշանակություն»,- ասաց Անանյանը:
00:00:00
