ՀԱՕԿ գլխավոր քարտուղար Հրաչյա Ռոստոմյանն  այսօր ՀԱՕԿ-ի արտահերթ ասամբլեայի ընթացքում հայտարարեց՝ բռնցքամարտի ֆեդերացիայում խախտումներ են գրանցվել, Արթուր Գևորգյանը գիտակցաբար արատավորել է ՀԱՕԿ-ի համբավը։ Ռոստոմյանի  խոսքով՝ Արթուր Գևորգյանն ամեն տեղ նամակներ է գրել՝ փորձելով ստվեր գցել ՀԱՕԿ-ի   համբավի վրա։ «Ես այս հարցը միշտ երկու տեսակետից եմ դիտարկել՝ նորմալ, մարդկային եւ բարոյական տեսանկյունից, ինչպես նաեւ իրավական կողմից: Մարդկային տեսանկյունից փորձել եմ ամեն կերպ հասկանալ, բայց հասկացել եմ, որ բարոյականությունն ու անբարոյականությունը հիմա սահման չունեն: Իրավական առումով, ՀԱՕԿ-ը չունի այդ դրույթը, որ դատական ճանապարհով հարցին լուծում տա: ՀԱՕԿ-ը ղեկավարվում է բացառապես իր լիազորություններով: Որեւէ այլ լիազորություն մենք չունենք: Դիմել ենք մեր իրավաբաններին, մեզ ասել են, որ դատարան իրավունք չունենք դիմելու: Մենք փորձել ենք բոլոր հնարավոր եւ անհնար ճանապարհները, որ երկխոսություն գնա: Մարդը կենդանուց ինչով է տարբերվում՝ բերան, ականջ, որոշ մարդիկ էլ մտածելու ունակություն: Վստահեցնում եմ, որ փորձել ենք, արել ենք ամեն ինչ, հանդիպումներ ենք կազմակերպել, չեն եկել, խուսափել են: Հետո թաքուն ինչ-որ տեղից հայտարարություններ են արել, ֆեյսբուքում ինչ-որ նյութեր տեղադրել: Եթե մեկը մյուսի հետ հարց ունի, ամեն մեկս մյուսիս համարն ունենք, թող զանգեն: Երբ մի բան պետք է, անմիջապես հիշում են: Այժմ այլ տարբերակ չունենք: Հարցի լուծումը սա է», -  ասաց Ռոստոմյանը, ինչից հետո քվեարկություն տեղի ունեցավ և բռնցհքամարտի ֆեդերացիան հեռացվեց ՀԱՕԿ-ի կազմից։   https://www.facebook.com/irakanum.am/videos/745246845895316/?notif_id=1563958131398734&notif_t=premiere_video_processed