Առողջապահության եւ աշխատանքի տեսչական մարմնի հայտնի նիստի արձանագրությունն ի վերջո հրապարակվել է։ Եվ ինչպես կանխատեսվում էր, երկար սպասված արձանագրության մեջ բացակայում է նախարարի՝«պասլատ անեիր քաղաքացուն» արտահայտությունը։
«Ժողովուրդ» օրաթերթի ձեռքի տակ հայտնված արտագրության մեջ նշված է, որ Թորոսյանը, դիմելով էդգար Խուրշուդյանին, ասել է, որ այն դիմումները, որոնք ուղղված են պետական քաղաքականության դեմ, «անտեսի»։ Այստեղ հարկ ենք համարում նշել, որ խորհրդին ներկաներից առնվազն 4 հոգի լսել է, թե ինչպես է Թորոսյանը Խուրշուդյանին ասում «պասլատ անեիր քաղաքացուն»։
Բայց, արի ու տես, «պասլատ անեիր» արտահայտությունը փոփոխման է ենթարկվել եւ դարձել «անտեսել»։ Հիշեցնենք՝ նախարարը տեւական ժամանակ չէր ստորագրում նիստի արձանագրությունը։ Ու հիմա անգամ խմբագրված արձանագրության տեքստում նկատվող «անտեսելու» հրահանգը ամենեւին չի բխում նախարարի գործառույթների բարեխղճությունից։ Ի՞նչ է նշանակում «պետական քաղաքականության» դեմ ուղղված դիմումները պետք է անտեսել։ Հիշեցնենք, տեսչության այս պետին արդեն Թորոսյանը հասցրեց փաստացի «ազատել աշխատանքից»։
Առավել մանրամասն՝ թերթի այսօրվա համարում։
00:00:00
