Իսպանիայում ավարտին է մոտենում ըմբշամարտի Եվրոպայի երիտասարդների առաջնությունը: 72 կգ քաշային կարգում Հայաստանը ներկայացնող Մալխաս Ամոյանը կիսաեզրափակչում 5-4 հաշվով կամային հաղթանակ էր տարել ռուս Սերգեյ Ստեփանովի նկատմամբ ու դուրս եկել եզրափակիչ: Այսօր կայացած վճռորոշ գոտեմարտում Ամոյանը ջախջախիչ՝ 8-0 հաշվով հաղթել է Մոլդովան ներկայացնող Պետիչին: Մեր ըմբիշը դարձել է ոսկե մեդալակիր: Այսօր բրոնզե մեդալ էր նվաճել 60 կգ քաշային Սահակ Հովհաննիսյանը, իսկ արծաթե մեդալի էր արժանացել Հայկ Մելիքյանը՝ 67 կգ: