ՀՀ վարչապետ Նիկոլ Փաշինյանը կմասնակցի Սանկտ Պետերբուրգի միջազգային տնտեսական համաժողովին: Այս մասին այսօր լրագրողներին հայտնել է ՌԴ նախագահի մամուլի քարտուղար Դմիտրի Պեսկովը, հաղորդում է ՏԱՍՍ-ը:
«Մենք սպասում ենք ՀՀ վարչապետին», - ասել է նա՝ պատասխանելով հարցին, թե օտարերկրյա առաջնորդներից, բացի Չինաստանի նախագահ Սի Ցզինպինից, ով է մասնակցելու ՊՄՏՀ-ին:
«Մնացածին (առաջնորդներին) ես հիմա չեմ նշի, քանի որ դեռ վերջնական չի հաստատվել նրանց մասնակցությունը»,- հավելել է Պեսկովը:
ՊՄՏՀ-ն կանցկացվի հունիսի 6-ից 8-ը: Համաժողովի միջոցառումները միավորված են «Ձեւավորելով կայուն զարգացման օրակարգը» կարգախոսով:
