Այսօր երեկոյան նախատեսված է ՀՀԿ գործադիր մարմնի հերթական նիստը: Այն վարելու է ՀՀԿ-ականների ղեկավար Սերժ Սարգսյանը: Irakanum.am-ի  ունեցած տեղեկություններով Սերժ Սարգսյանը թիմակիցների հետ քննարկմանը անդրադառնալու է կառավարության կառուցվածքային փոփոխությունների հարցերին: Ի դեպ հերթական գործադիր մարմնի նիստին առավել սրտատրոփ սպասում են հատկապես կուսակցության «երիտասարդները»: Նրանց հետաքրքրում է, թե հատկապես ում է նկատի ունեցել Սերժ Սարգսյանը, որ վարչապետ նշանակվելուն զուգահեռ փորձի փոխանակում էլ պետք է անի: Ի դեպ «երիտասարդների» մեջ իրենց դասել են քառասունն անց Աշոտյանն ու Ավագյան Կարենը: Բացի այդ նիստում անդրադարձ է կատարվելու փողոցային պայքարը ճնշելու եղանակներին: Հիշեցնենք, որ  վաղը Ազատության հրապարակում նախատեսված է հանրահավաք, հաջորդ օրը նույնպես: Իսկ ապրիլին՝ Սերժ Սարգսյանի վարչապետությունը կանխելու գործընթացով փողոց դուրս կգա Նիկոլ Փաշինյանի ղեկավարած «Քաղաքացիական պայմանագիր» կուսակցությունը: Irakanum.am