«Տոտենհեմի» ֆուտբոլիստները մրցաշրջանի ավարտին հիանալի տրամադրություն ունեն: Նրանք Պրեմիեր լիգայում եզրափակել են լավագույն քառյակը, իսկ դա նշանակում է, որ կմասնակցեն Չեմպիոնների լիգայի հաջորդ խաղարկության խմբային փուլին: Մինչ հեղինակավոր ստուգատեսը դեռ ժամանակ կա, և լոնդոնյան թիմի ֆուտբոլիստները որոշել են մի փոքր զվարճանալ: Ինչպես տեղեկացնում է Isport-ը, նրանք Էրիկ Լամելայի ավտոմեքենան պատել են սարդոստայնով և այն ավելի տպավորիչ դարձնելու համար ավելացրել են մի քանի սարդ: Թե ինչպես է անակնկալի եկած Լամելան փորձում մեքենան ազատել սարդոստայնից, թվիթերյան իր էջում հրապարակել է Սերժ Օրյեն: