«Երեւան քաղաքի ավագանու 3-2 խմբակցությունն առաջարկում է Երեւան քաղաքի Կենտրոն վարչական շրջանում՝ Ալեքսանդր Մյասնիկյանի արձանի ետամասում տեղադրել Մարտի մեկի զոհերի հիշատակը հավերժացնող հուշարձան: Մարտի մեկի զոհերի հիշատակն, անշուշտ, պետք է հավերժացվի. Մեր դաշինքն օգտագործում է, թե խորհրդարանական եւ թե պայքարի մյուս հարթակները՝ ոչ միայն Մարտի մեկի ոճրագործության լիրաժեք բացահայտմանը նպաստելու, այլ նաեւ՝ տասը զոհերի ընտանիքների նկատմամբ պետական պատշաճ վերաբերմունք ձեւավորելու նպատակով»: Այս մասին, այսօր Երեւանի ավագանու նիստում հայտարարեց Երեւանի ավագանու Ելք խմբակցության անդամ Անի Խաչատրյանը: Անդրադառնալով Երկիր Ծիրանի խմբակցության նախագծին, որով առաջարկում են անվանափոխել Վազգեն Սարգսյանի անվան փողոցը,  Խաչատրյանն ասաց, որ խմբակցության ներկայացրած որոշման նախագիծը ոչ թե Մարտի մեկի զոհերի հիշատակի արժեւորումն է, այլ ոճրագործության պատասխանատվության վերահասցեագրումը՝ դրա կազմակերպիչ Ռոբերտ Քոչարյանից՝  լուսահոգի Վազգեն Սարգսյանի եւ Լեւոն Տեր- Պետրոսյանի ուղղությամբ: «Վազգենը իմ կնքահայրն է, եւ ես երբեմն մտածում եմ, որ կարող է այդ օրինաչափ պատճառով կողմնակալ են իմ մոտեցումները, բայց երբ սթափ եմ նայում մեր երկրի պատմությանը, հասկանում եմ, որ կնքահայրս հերոսի բացառիկ օրինակ է, որով պետք է չկոմլեքսավորվել եւ ճիշտը ասել. Սերուն ու երեխա դաստիարակել իր հայրենասիրությամբ, խիզախությամբ, ազնվությամբ: Ո՞ր բարոյական իրավունքով է սեփական դիմագիծ չունեցող կուսակցությունը ոտնձգություն կատարում Հայաստանի Ազգային հերոսի հիշատակի դեմ, ո՞վ է թույլ տվել ձեռնոց նետել Արցախյան պատերազմի հաղթանակի խորհդանիշ հանդիսացող Վազգեն Սարգսյանի հեղինակությանը»,- շարունակեց Խաչատրյանը: «Միթե՞ այդպես գռեհիկ ձեւով կարելի է ստվերել հայ ժողովրդի մեծագույն բարեկամ Վուդրո Վիլսոնի հիշատակը կամ հայ- ամերիկյան հարաբերությունները, ԱՄն մեծ նախագահին փորձելով արժեվորել հայ ժողովրդի մեծագույն զավակներից մեկի՝ Սպարապետ պատվանունը դեռ կենդանության օրոք ստացած Վազգեն Սարգսյանի հիշատակի հաշվին»,- ասաց Խաչատրյանը: Այլ մանրամասներ՝ Irakanum.am-ի տեսանյութում: https://www.youtube.com/watch?v=ZQULxVl-cko&feature=youtu.be