Մոսկվայի կենտրոնում գտնվող «Օխոտնի Ռյադ» առևտրի կենտրոնի այցելուներին և անձնակազմին տարհանել են՝ պայթյունի վտանգի պատճառով։ Նշվում է, որ անհայտ անձը կենտրոնում ականի առկայության մասին ահազանգ է կատարել։ «Պայթյունի վտանգի մասին անանուն զանգից հետո «Օխոտնի Ռյադ» առևտրի կենտրոնից տարհանում են աշխատակիցներին ու այցելուներին», - հայտնել է աղբյուրը: Ոստիկանությունն ստուգումներ է իրականացնում շենքում: