Գերմանիայի Քյոլն քաղաքում երկու տրամվայ է բախվել, ինչի հետևանքով տուժել է ավելի քան 40 մարդ: Այս մասին հայտնում է Die Welt-ը: Նշվում է, որ ճանապարհատրանսպորտային պատահարը տեղի է ունեցել քաղաքի կենտրոնում: Վթարի համար պատասխանատու վարորդը գտնվում էր ալկոհոլի ազդեցության տակ: Աղբյուրի տվյալների համաձայն՝ տուժածների մեծամասնությունը թեթև վնասվածքներ է ստացել, իսկ մեկ մարդ գտնվում է ծանր վիճակում: