Սերժ Սարգսյանի թիկնազորի նախկին պետ Վաչագան Ղազարյանի գործով մեղադրող դատախազն այսօր Վերաքննիչ դատարանում չի պնդել իր կողմից ներկայացված բողոքը:
Դատախազը բողոքարկում էր Ղազարյանին 50 միլիոն դրամ գրավի դիմաց ազատ արձակելու առաջին ատյանի դատարանի որոշումը:
ՀՀ գլխավոր դատախազության հանրային կապերի բաժնի պետ Արեւիկ Խաչատրյանը մեր զրույցում ասաց, որ մեղադրողը դիրքորոշում է հայտնել, որ վերաքննիչ բողոքը չի պնդում, քանի որ Վաչագան Ղազարյանը հանցագործությամբ պատճառված վնասը վերականգնել է եւ քննության ներկա փուլում նավազել են նախաքննությանը խոչընդոտելու ռիսկերը:
ՀԺ-ի հետ զրույցում Վաչագան Ղազարյանի պաշտպան Արմեն Հարությունյանն ասաց, որ դատարանն այսպիսով դատախազության կողմից ներկայացված բողոքը մերժելու մասին որոշում է կայացրել:
00:00:00
