Ռազմական վերլուծաբան Աշոտ Ասատրյանը ֆեյսբուքյան իր էջում գրել է. «Հայազգի Կարեն Ղազարյանն Ադրբեջանում դատապարտվեց 20 տարի ազատազրկման։ Քիչ առաջ Գյանջայի դատարանը մեր հայրենակից Կարեն Ղազարյանին 20 տարի ժամկետով ազատազրկման է դատապարտել, որը նա պետք է կրի խիստ ռեժիմի գաղութում»: Հիշեցնենք, որ դեռևս 2018թ. հուլիսին, երբ Տավուշի մարզի Բերդավան գյուղի բնակիչ Կարեն Ղազարյանը հայտնվել էր Ադրբեջանում ու այդ երկրի կողմից ներկայացվել որպես դիվերսանտ, ՀՀ ոստիկանության հասարակայնության հետ կապի և լրատվության վարչության պետ Աշոտ Ահարոնյանը հայտարարել էր, որ Կարեն Ղազարյանը քաղաքացիական անձ է, ունի առողջական խնդիրներ: