Ռուսաստանի արտգործնախարար Սերգեյ Լավրովը հայտարարել է, որ Մեծ Բրիտանիայի պաշտպանության նախարար Գավին Ուիլյամսոնը, որը նախկինում Մոսկվայի դեմ կոշտ հայտարարություններ է արել, հավանաբար կրթություն չունի:
«Մի գեղեցիկ երիտասարդ, ով, հավանաբար, ցանկանում է պատմության մեջ մնալ իր բարձրագոչ հայտարարություններով, լավ, բայց գուցե նա չունի կրթություն», - ասել է դիվանագետը:
Հինգշաբթի Ուիլյամսոնը հայտարարել է, որ սպասում է դիվանագետների արտաքսմանը հաջորդող արձագանքին Մոսկվայի կողմից: Միեւնույն ժամանակ, նա կասկածի տակ է առել Մոսկվայի իրավունքը՝ պատասխան տալ իր գործողությունների համար: Նրա խոսքերով Սերգեյ Սքրիփալի թունավորումը «դաժան եւ վիրավորական գործողություն է», եւ Ռուսաստանը «պետք է հեռանա և փակի բերանը»:
Նա նաեւ ավելացրեց, որ Մոսկվան եւ Լոնդոնը ավելի են ընկղմվում «սառը պատերազմի» մեջ:
00:00:00
