Կառավարության այսօրվա նիստում ներկայացվեց գործադիրի ծրագիրը։ Այն ներկայացնող ՀՀ փոխվարչապետ Մհեր Գրիգորյանն ասաց, թե գործադիրի բոլոր անդամներն աշխատել են ծրագրի վրա։ Վարչապետ Նիկոլ Փաշինյանը նշեց, որ պետք է որոշակի խմբագրումներ անեն ծրագրում։ «Մինչև ամսի ութը ժամանակ ունենք, խմբագրումները կանենք ու կուղարկենք Ազգային ժողով», -  ասաց Մհեր Գրիգորյանը։ Փոխվարչապետ Տիգրան Ավինյանն էլ ասաց, որ կառավարության ծրագրի հենքը եղել է «Իմ քայլը» դաշինքի նախընտրական ծրագիրը։ Նիկոլ Փաշինյանն առաջարկեց վաղը երեկոյան կառավարության անդամներով հավաքվել ու «վերջին շտրիխներն անել»։ Նա ասաց, որ հարցն այսօր քվեարկության չի դնելու։