Հարգելի բարեկամներ, օրեր առաջ մամուլում շրջանառվեց տեղեկատվություն, համաձայն որի ես և իմ գործընկեր Արմեն Հարությունյանն ազատվել ենք գյուղատնտեսության նախարարի տեղակալի պաշտոնների գյուղատնտեսության նախարար Արթուր Խաչատրյանի հետ ունեցած աշխատանքային անհամատեղելիության պատճառով: Թե ես, և թե Արմեն Հարությունյանը ազատվել ենք մեր դիմումների համաձայն այլ աշխատանքի անցնելու կապակցությամբ: Նախարար Խաչատրյանի հետ թե նախկինում, թե այժմ ունենք հիանալի գործընկերային հարաբերություններ և մշտապես քննարկում ենք ոլորտի զարգացման հիմնախնդիրները և լուծման ուղիները: Հիանալի հարաբերություններ ենք պահպանում նաև նախկին նախարարներ Սերգո Կարապետյանի, Իգնատի Առաքելյանի և նախարարության մյուս գործընկերների հետ: