Իրանի նախագահ Հասան Ռոհանին Եվրամիությանը կոչ է արել իր երաշխիքներով աջակցել երեք տարի առաջ Վիեննայում կնքված միջուկային գործարքին:
ArabNews-ի փոխանցմամբ, Ավստրիա կատարած այցի ընթացքում Իրանի Իսլամական Հանրապետության նախագահը հայտարարել է, որ Իրանը չի հրաժարվի միջուկային համաձայնագրից, եթե այն շարունակի շահավետ մնալ:
«Եթե մյուս ստորագրողները, բացառությամբ ԱՄՆ-ի, կկարողանան երաշխավորել Իրանի շահերը, ապա Իրանը կմնա միջուկային համաձայնագրի մեջ», - ասել է Ռոհանին:
Նա հավելել է, որ իր եվրոպական ուղեւորությունն ավելի լավ կներկայացնի Իրանի եւ Եվրոպայի երկրների միջեւ համագործակցությունը:
Հուլիսի 6-ին Վիեննայում կհանդիպեն Իրանի եւ «հնգյակի» արտաքին գործերի նախարարների հանդիպումը, որտեղ կքննարկվեն Գործողությունների համատեղ համապարփակ ծրագրի պահպանմանն ուղղված հետագա քայլերը:
00:00:00
