Թբիլիսիի քաղաքային դատարանը հեռակա կարգով երկրի նախկին նախագահ Միխաիլ Սաակաշվիլիին դատապարտել է վեց տարվա ազատազրկման: Ինչպես հայտնում է Russia Today-ը՝ վկայակոչելով վրացական աղբյուրը, տվյալ վճիռը կայացվել է նախկին պատգամավոր Վալերի Գելաշվիլիին 2005-ին ծեծի ենթարկելու մասին գործի առնչությամբ: Նշվում է, որ Սաակաշվիլիին դատապարտել են ծառայողական դիրքի չարաշահման և հարձակում իրականացնելու մեղադրանքով: Բացի այդ, քաղաքական գործչին 2 տարի 3 ամիս ժամկետով զրկել են պետական պաշտոններ զբաղեցնելու իրավունքից: