Միջադեպը տեղի է ունեցել տեղական ժամանակով 13։30-ին քաղաքի հյուսիս–արեւմտյան Մոսոն շրջանում։ FranceSoir–ը պարզաբանում է, որ միջադեպը տեղի է ունեցել Stade de la Mosson ֆուտբոլային մարզադաշտից ոչ հեռու, որը MHSC ֆուտբոլային ակումբի մարզադաշտն է համարվում։ Դեպքի հանգամանքները պարզվում են, սակայն հայտնի է, որ միջադեպի հետեւանքով առնվազն մի երիտասարդ է տուժել, ով 20 տարեկան է։ Նրան ծանր վիճակում հոսպիտալացրել են Մոնպելյեի համալսարանական հիվանդանոցում։

Պարբերականի տվյալներով, երիտասարդը հարձակման պահին կանգնած է եղել տրամվայի կանգառում, նրա ուղղությամբ մի քանի անգամ կրակել են։ Չի բացառվում, որ կան նաեւ այլ վիրավորներ։

BFM հեռուստաալիքը մատնանշում է, որ միջադեպի հետեւանքով մի քանի մարդ է տուժել, նրանցից 2-ը հոսպիտալացվել են ծանր վիճակում։ Հեռուստաալիքի տվյալներով, հրձիգը իրավապահների կողմից ձերբակալվել է։ FranceInfo ռադիոկայանն էլ նշում է, որ տուժել է 4 մարդ։