Մինչև ԱՄՆ վարչակազմը չընդունի Իրանի բոլոր պայմանները, Իսլամական հեղափոխության պահապանների կորպուսը (ԻՀՊԿ) կշարունակի պաշտպանել Հորմուզի նեղուցը, այս մասին հայտարարել է ԻՀՊԿ մամուլի խոսնակ Հոսեյն Մոհեբբին։
«Մեր ռազմավարությունն է պաշտպանել Հորմուզի նեղուցը մինչև Իրանի բոլոր պայմանների ընդունումը», – ասել է նա՝ հավելելով, որ նպատակը թշնամուն հաղթելն է։
Խոսնակի խոսքով, ԱՄՆ-ն այժմ ստիպված է հրաժարվել իր բոլոր նպատակներից. «Այս նեղուցը մեզ համար ոչ միայն ջրային ուղի է, այլև ռազմավարական տարածք»։
