Հայաստանի չեմպիոն «Արարատ-Արմենիա»-ի գլխավոր մարզիչ Մանուել Տուլիպան մտադիր է Չեմպիոնների լիգայի որակավորման երկրորդ փուլի «Շեմրոկ Ռովերս»-ի դեմ երկրորդ խաղում էլ հավատարիմ մնալ հաղթանակ բերած խաղաոճին:
«Մենք կարողացանք խաղի ընթացքում ճիշտ որոշումներ կայացնել ու նաև այդ որոշումները կայացնում էինք լավ պահեստայիններ ունենալու շնորհիվ: Մենք պետք է արժանին մատուցենք մրցակցին: Նրանք դժվարանում էին գործել, երբ մենք շատ էինք տիրում գնդակին և հաջորդիվ փորձելու ենք հենց այդպես էլ գործել: Մենք լավ ուսումնասիրել էինք նրանց խաղը սակայն մեր փոփոխվող խաղաոճը ստիպեց նրանց փոխել սեփական խաղային պլանը»,-«Արմենպրես»-իհաղորդմամբ` լրագրողների հետ հետխաղային մամուլի ասուլիսի ժամանակ ասաց Տուլիպան:
Ֆուտբոլի Չեմպիոնների լիգայի որակավորման երկրորդ փուլի առաջին խաղում Հայաստանի չեմպիոն «Արարատ-Արմենիա»-ն հյուրընկալեց իռլանդական «Շեմրոկ Ռովերս»-ին ու առավելության հասավ 2:0 հաշվով: Թիմերի պատասխան հանդիպումը կկայանա մեկ շաբաթ անց` Իռլանդիայում:
