ԱՄՆ նախագահ Դոնալդ Թրամփի և Ուկրաինայի նախագահ Վլադիմիր Զելենսկիի՝ Դավոսի միջազգային տնտեսական ֆորումի շրջանակում տեղի ունեցած հանդիպումն ավարտվել է։ Այս մասին լրագրողներին հայտնել է Ուկրաինայի նախագահի մամուլի խոսնակ Սերգեյ Նիկիֆորովը, տեղեկացնում է է BBC-ի ռուսական ծառայությունը։
Նա նշել է, որ հանդիպումը տեղի է ունեցել փակ դռների հետևում և տևել է շուրջ մեկ ժամ։
Հանդիպման ավարտին Ուկրաինայի և ԱՄՆ նախագահները կարճատև անձնական զրույց են ունեցել։
Իր հերթին Ուկրաինայի նախագահի հաղորդակցության գծով խորհրդական Դմիտրի Լիտվինը լրագրողների հետ զրույցում ասել է. «Դա լավ հանդիպում էր»:
Թրամփը նույնպես դրական է գնահատել հանդիպումը: Նա ասել է, որ իր ուղերձը Ռուսաստանի նախագահին այն է, որ պատերազմը պետք է ավարտվի: Թրամփը նաև նշել է, որ իր բանագնացները Մոսկվայում կհանդիպեն Վլադիմիր Պուտինի հետ:
