Ադրբեջանի արտգործնախարար Ջեյհուն Բայրամովը որևէ տեղեկություն չունի Ադրբեջանի նախագահ Իլհամ Ալիևի՝ Երևանում Եվրոպական քաղաքական համայնքի համաժողովին մասնակցելու մասին։ Ըստ ադրբեջանական լրատվամիջոցների՝ նա դրա մասին հայտարարել է տարեվերջյան մամուլի ասուլիսում։
«Եվրոպական քաղաքական համայնքի ձևաչափը համեմատաբար նոր է։ Մասնակցության հրավերներ են ուղարկվում պետությունների ղեկավարներին։ Համաժողովը նախատեսվում է անցկացնել Երևանում։ Իմ տեղեկությամբ՝ պարոն նախագահի նման այց ծրագրված չէ։ Սակայն նախագահի աշխատակազմը կարող է ավելի ճշգրիտ տեղեկություն տրամադրել այս հարցի վերաբերյալ»։
Միաժամանակ, նա նշել է, որ 3+3 հանդիպումն Ադրբեջանում, ապա՝ Հայաստանում անցկացնելու առաջարկը մնում է ուժի մեջ։