Եթե Զելենսկին չհամաձայնվի խաղաղության ծրագրի հետ, կարող է շարունակել պայքարել իր ողջ ուժով։ Այս մասին լրագրողներին հետ զրույցում ասել է ԱՄՆ նախագահ Դոնալդ Թրամփը՝ խոսելով Ուկրաինայի նախագահ Վլադիմիր Զելենսկիին ԱՄՆ-ի կողմից առաջարկված խաղաղության ծրագրի մասին:
«Նա (Զելենսկի.-խմբ․) պետք է ընդունի այն (ԱՄՆ պլանը.-խմբ․), իսկ եթե նրան դուր չի գալիս, ապա, գիտեք, նրանք պետք է պարզապես շարունակեն պայքարել»,-նշել է Սպիտակ տան ղեկավարը։
Նրա խոսքով՝ Զելենսկիին այդ ծրագիրը պետք է դուր գա, քանի որ նրա ձեռքում հաղթաթուղթ չկա։
Ըստ Թրամփի՝ Զելենսկին պետք է մեկ-երկու տարի առաջ խաղաղության գործարք կնքեր:
Հիշեցնենք, որ նախօրեին ԱՄՆ նախագահը հայտարարել էր, որ Կիևը պետք է համաձայնի ռուս-ուկրաինական հակամարտության կարգավորման նոր ծրագրին մինչև նոյեմբերի 27-ը:
