Ադրբեջանի պետական անվտանգության ծառայության ղեկավար Ալի Նագիևը պաշտոնական այցով ժամանել է Թբիլիսի: Նրան ընդունել է Վրաստանի պետական անվտանգության ծառայության ղեկավար Մամուկա Մդինարաձեն:
Կողմերը քննարկել են երկու երկրի ռազմավարական գործընկերությունը և անվտանգության ոլորտում համագործակցության հետագա ամրապնդումը: Հատուկ ուշադրություն է դարձվել գերատեսչությունների միջև տեղեկատվության և փորձի փոխանակմանը։
Ընդգծվել է, որ անվտանգության ծառայությունների սերտ փոխգործակցությունը նպաստում է երկկողմ հարաբերությունների ամրապնդմանը և տարածաշրջանում խաղաղության ու կայունության պահպանմանը:
