Եթե ժողովրդագրական իրավիճակը մնա անփոփոխ, Ռուսաստանի բնակչությունը մինչև 2100 թվականը կնվազի, հասնելով մինչև 81 միլիոնի: Ըստ «Если быть точным» նախագծի՝ առանց նոր ներգաղթյալների հոսքի,  Ռուսաստանի բնակչությունը կդառնա 70 միլիոնից էլ պակաս:

Վերջերս Ռուսաստանի իշխանությունները խստացրել են միգրացիոն քաղաքականությունը: Միևնույն ժամանակ, ներգաղթյալների հոսքը կարող է մեղմել ցածր ծնելիության հետևանքները և դանդաղեցնել բնակչության ծերացումը: Տարբեր գնահատականներով՝ 1990-ականների սկզբից ի վեր ներգաղթյալները փոխհատուցել են բնակչության  բնական անկման 50%-70%-ը, որոնց մեծ մասն աշխատանքային տարիքի մարդիկ էին:

Հիմնական սցենարում, 21-րդ դարի վերջին Ռուսաստանի բնակչությունը կնվազի մոտավորապես 44%-ով՝ հասնելով 81,4 միլիոնի: Ներգաղթը կավելացնի բնակչության թիվը 13,6 միլիոնով, ներառյալ ինչպես ներգաղթյալներին, այնպես էլ նրանց ապագա երեխաներին: Համապատասխանաբար, ներգաղթի բացակայության դեպքում բնակչությունը կնվազի՝ հասնելով մինչև 67,8 միլիոն մարդու կամ 54%-ով։