Վրացական ոստիկանությունն այսօր առնվազն 16 մարդու է ձերբակալել Թբիլիսիի կենտրոնական Ռուսթավելի պողոտան արգելափակելու փորձի համար։ Այս մասին հայտնում են վրացական ԶԼՄ-ները:
Նշվում է, որ ակցիայի կազմակերպիչները բողոքում էին խորհրդարանական քննիչ հանձնաժողովի այսօր հրապարակված եզրակացության դեմ։
Ըստ փաստաթղթի՝ նախկին նախագահ Միխեիլ Սաակաշվիլիի իշխանությունները մեղավոր են ճանաչվել մարդու իրավունքների զանգվածային խախտումների, ինչպես նաև 2008 թվականի ռուս-վրացական պատերազմը հրահրելու համար։