Երեկ՝ մայիսի 24-ին, ՀՀ ՆԳՆ փրկարար ծառայության մեծ թվով փրկարարներ, հատուկ նշանակության փրկարարական աշխատանքների իրականացման կենտրոնի փրկարարական ջոկատների փրկարարները, ջրասուզակները վաղ առավոտից Կոտայքի մարզի Մարմարիկ գետում շարունակել են մայիսի 4-ին որոնվող 2-ամյա Տիգրանի որոնողական աշխատանքները: 

Արդեն ժամը 10։40-ի սահմաններում, ՆԳՆ փրկարար ծառայության աշխատակիցները, Մարմարիկ գետում՝ Հրազդան ՋԷԿ-ի մոտակա կամրջի մոտ, հայտնաբերել էին մայիսի 4-ից որոնվող երեխայի դին։

Փոքրիկի հոգեհանգստի արարողությունը տեղի կունենա վաղը, իսկ հուղարկավորությունը՝ մայիսի 27-ին։

Ցավակցում ենք փոքրիկի հարազատներին, կիսում կորստյան ծանր վիշտը...