Սույն թվականի ապրիլի 12-ին՝ տեղական ժամանակով 15:31:08-ին (ըստ Գրինվիչի 11:31:08),  Ադրբեջանում արձանագրվել է M=3.8 մագնիտուդ ուժգնությամբ, օջախի 9.4 կմ խորությամբ  երկրաշարժ: Սեյսմիկ իրադարձության էպիկենտրոնի աշխարհագրական կոորդինատներն են՝ հյուսիսային լայնության՝ φ=40.515 N, արևելյան երկայնության՝ λ=48.688 E:

Էպիկենտրոնային գոտում սեյսմիկ ազդեցությունն, ըստ MSK-64 սանդղակի, գնահատվել է 5 բալ ուժգնությամբ: Երկրաշարժի էպիկենտրոնը գտնվում է 1902 թ․ M=6․9 մագնիտուդ ուժգնությամբ Շեմախայի կործանարար երկրաշարժի օջախային գոտում՝ Շեմախա քաղաքից 10 կմ հարավ, Սումգայիթ քաղաքից 80 կմ, Բաքվից՝ 101 կմ արևմուտք:

Երկրաշարժն արձանագրվել է ՀՀ ԳԱԱ Ա. Նազարովի անվան երկրաֆիզիկայի և ինժեներային սեյսմաբանության ինստիտուտի սեյսմաերկրադինամիկ ցանցի կողմից։