ԱԺ եվրոպական ինտեգրման հարցերի մշտական հանձնաժողովի նախագահ Արման Եղոյանը ապրիլի 8-ին ընդունել է Կոնրադ Ադենաուեր հիմնադրամի Եվրոպայի և Հյուսիսային Ամերիկայի գրասենյակի ղեկավար Լարս Հենզելին: Այդ մասին հայտնում են ՀՀ ԱԺ-ից:
Ողջունելով հյուրին` Արման Եղոյանն արժևորել է հիմնադրամի գործունեությունը Հայաստանում: Հանձնաժողովի նախագահը Լարս Հենզելին ներկայացրել է տարածաշրջանում առկա իրավիճակը, մարտահրավերները: Նա անդրադարձել է Հայաստանի և Ադրբեջանի միջև խաղաղության պայմանագրի շուրջ ընթացող բանակցություններին, ինչպես նաև Հայաստան-Թուրքիա հարաբերությունների կարգավորման գործընթացին: Արման Եղոյանը բարձր է գնահատել տարածաշրջանում երկարատև խաղաղության ու կայունության հաստատման հարցում Եվրամիության և հատկապես՝ Գերմանիայի դերակատարությունը:
Շնորհակալություն հայտնելով ընդունելության համար՝ Կոնրադ Ադենաուեր հիմնադրամի Եվրոպայի և Հյուսիսային Ամերիկայի գրասենյակի ղեկավարը խոսել է երկկողմ համագործակցության խորացման անհրաժեշտությունից: Հյուրն անդրադարձել է Գերմանիայում արտահերթ խորհրդարանական ընտրություններից հետո տեղի ունեցող քաղաքական փոփոխություններին:
Կողմերը քննարկել են հիմնադրամի աջակցությամբ նոր ծրագրեր իրականացնելու հնարավորությունները:
Հանդիպմանը մասնակցել են նաև հիմնադրամի «Քաղաքական երկխոսություն. Հարավային Կովկաս» տարածաշրջանային ծրագրի գիտաշխատող Ֆլորիան Բինդերը և երևանյան գրասենյակի ղեկավար Լիանա Մարուքյանը:
