Չարենցավանում 21-ամյա երիտասարդի սպանության եւ 4 անձի սպանության փորձի դեպքով 2 ձերբակալված կա։
ՆԳՆ ոստիկանությունից հայտնում են, որ մարտի 29-ին Չարենցավանի ռեստորաններից մեկի մոտ մի խումբ երիտասարդներ վիճաբանության ժամանակ ձեռքերով, ոտքերով ու տարբեր առարկաներով հարվածել են միմյանց: Այդ ընթացքում Ռուբիկ Խ.-ն դանակով հարվածել և մարմնական վնասվածք է պատճառել 21-ամյա համաքաղաքացուն, ինչից հետո վիճաբանության մեկ այլ մասնակից 22-ամյա երիտասարդը դանակով հարվածել է Ռուբիկ Խ.-ի կրծքավանդակին, ինչի հետևանքով նա հիվանդանոցում մահացել է: 22-ամյա երիտասարդը դանակով հարվածներ է հասցրել նաև վիճաբանության երեք այլ մասնակիցների»,– ասված է հաղորդագրությունում:
Ձեռնարկված միջոցառումներով նախաքննական մարմին են ներկայացվել վիճաբանության մասնակիցները։ 22-ամյա երիտասարդը և Գեղարքունիքի մարզի Արտանիշ գյուղի բնակիչ 26-ամյա երիտասարդը ձերբակալվել և տեղափոխվել են ձերբակալվածների պահման վայր:
Չարենցավան քաղաքի բնակիչ 22-ամյա երիտասարդի նկատմամբ հանրային քրեական հետապնդում է հարուցվել սպանության, առողջությանը ծանր վնաս և միջին ծանրության վնաս պատճառելու մեղադրանքներով:
Քրեական վարույթը շարունակվում է:
