Երբ ես ասել եմ, որ Մարտի 1-ի գործը բացահայտված է, բռնի ուժով, բանակի ներգրավմամբ, հանցավոր խմբավորումների ներգրավմամբ, ապօրինի զինված խմբավորումների ներգրավմամբ տեղի են ունեցել քաղաքացիական բողոքների ճնշում և սպանություններ, այս մասին լրագրողների հետ զրույցում հայտարարեց վարչապետ Նիկոլ Փաշինյանը։
Նա ընդգծեց՝ այս ամենը պետք է ինչ-որ ձևով ընթացք ստանա, իրավական գնահատական ստանա։
«Բայց դա պետք է իրականացնեն իրավապահ մարմինները։ Գործերը պետք է բացահայտվեն այնքան, ինչքան դա հնարավոր է»,- նշեց վարչապետը։
Նիկոլ Փաշինյանն ասաց, թե, ի վերջո, պետք է որոշել՝ արդյո՞ք այդ գործերի քննությունը պետք է ինքը վերցնի ու վարի։
«Եթե ուզում ենք փոխել մեր իրավակարգավորումները՝ փոխենք»,- ասաց նա։
Փաշինյանն ասաց, թե ինքը հավատում է, որ կբացահայտեն բուն հրաման տվողներին։
«Եթե չհավատամ, նման խնդիր չեմ դնի, ինչո՞ւ եմ խնդիր դնում՝ ի սկզբանե իմանալով, որ անհնար է լուծել, ինչո՞ւ եմ մարդկանց վատ վիճակի մեջ դնում։ Հավատում եմ»,- ասաց նա։
