Փետրվարի 23-ի երեկոյան Ծովագյուղ-Շորժա-Վարդենիս ճանապարհին Գեղարքունիքի պարեկները ստուգման նպատակով կանգնեցրել են «ՎԱԶ» մակնիշի մեքենա։ Պարզվել է՝ մայրաքաղաքի բնակիչ 32-ամյա վարորդը վարորդական իրավունքի վկայականից զրկված է և գտնվում է ոչ սթափ վիճակում: Պարեկների բանավոր պահանջով նա մեքենայից ներկայացրել է իր անվամբ հաշվառված որսորդական ակոսափող հրացան՝ փամփուշտներով, ինչպես նաև 7.62 և 5.45 մմ տրամաչափի ինքնաձիգների փամփշտատուփեր՝ 80 փամփուշտով և դանակ։ 30-ամյա ուղևորը ներկայացրել է իր անվամբ հաշվառված որսորդական ողորկափող հրացան, փամփուշտներ և գաղտնի փականով դանակ: Տղամարդիկ մեքենայով հանդերձ ներկայացվել են Համայնքային ոստիկանության Ճամբարակի բաժին