Չկա մարդ, որի համար մարտի 1-ը սև էջ չլինի, բայց մարտի 1-ն ու հունիսի 12-ն ունեն մեկ խիստ առանցքային ընդհանրություն։ Երկու պարագայում էլ` թե՛ զոհերի, թե՛ մարդկանց առողջությանը պատճառված վնասի մեղավորը Նիկոլ Փաշինյանն է։ Նման հայտարարություն է արել «Պատիվ ունեմ» խմբակցության ղեկավար Հայկ Մամիջանյանը՝ «Տավուշը հանուն հայրենիքի» շարժման հավաքի ժամանակ իր ելույթում։
«Նիկոլ Փաշինյանը մեղավոր է մարտի 1-ին, որպես ցուցարար, հունիսի 12-ին՝ որպես վարչապետի աթոռին նստած մարդ»,- նշել է նա։
Պատգամավորը հայտնել է, որ ԱԺ ընդդիմությունը պահանջելու է, որ հունիսի 12-ի դեպքերն ուսումնասիրող հանձնաժողով ստեղծվի։
